Umuryango wita ku buzima n’iterambere ry’abaturage (Community Socio-Economic Development Initiatives: CSDI), wakanguriye abaturage kwipimisha indwara zitandukanye zirimo Virusi Itera SIDA n’igituntu kugira ngo uwagize ibyago byo kwandura ajye yitabwaho hakiri kare.
Ni mu bukangurambaga bwakozwe mu cyumweru gishize bwari bufite insanganyamatsiko igira iti ‘tuganire, tugane serivisi z’ubuzima, dutere imbere’.uyu muryango watangirije ku kigonderabuzia cya Kabuye ho mu murenge wa Jabana muri Gasabo.
Rusanganwa Leon Pierre uyobora CSDI yavuze ko kutamenya uko uhagaze bituma umuntu azahara bityo biakmuvira mo no kubura imbaraga zo kugira icyo yimarira ubukene bukamutera.
Yagize ati”kubirebana na Virusi itera SIDA,twaganiriye tubabwira ko bagomba kwipimisha bakamenya uko bahagaze kuko iyo umenye uko uhagaze ufata imiti,ariko iyo utazi uko uhagaze ngo nasanga yaranduye afate imiti biba intandaro yo kuzahara kandi ubu dutunzwe n’ibiva mu maboko yacu ibyo bituma nibyo yakoraga abireka ubukene bukazamuka haba mu muryango no mu gihugu muri rusange.
Abakurikiye ubu bukangurambaga ni abantu 50 bagize amatsinda 3 yiganjemo ab’igitsina gore babana n’ubwandu bwa Virusi itera SIDA,CSDI kandi ikaba yateye inkunga aya matsinda iyaha agera kuri miliyoni y’amafaranga y’u Rwanda.
Nzaramba Alphonse utuye mu mudugudu wa Cyeyeye mu kagali ka Kamatamu yavuze ko inkunga bahawe bayakiriye neza ko hamwe no gufatanya n’abandi izababyarira umusaruro.
Yagize ati”iyi nkunga nayakiriye neza no kuba mwadutekereje ho,ubu ni ukujya mu itsinda ngafatanya n’abagenzi banjye akatubyarira umusaruro”
Mukandenzi Bernadette nawe utuye mu Mudugudu wa Cyeyere mu Kagali ka Kamatamu yashimye CSDI ku nkunga ndetse n’ibiganiro bahawe ku bijyanye na Virusi itera SIDA avuga ko agiye gukangurira cya cyane urubyiruko kwitabira kwipimisha.
Ati”Ndashima uyu muterankunga kuba yadutekereje ko natwe twakwiteza imbere nk’ubu nta kintu nakoraga ubu tukaba tugiye kwifatanya tukiteza imbere {…}nk’urubyiruko rukiri rutoya tugomba kurukangurira uburyo rwakwitwara, n’abantu bafite ubwandu bw’agakoko gatera SIDA, boye kwigunga tukabakangurira ko bagana ikigo nderabuzima kibegereye bakabapima bakabafsaha gufata imiti.”
Umuyobozi ushinzwe imiyoborere myiza mu Murenge wa Jabana, Mukaminega Jeannette yavuze bashimira cyane CSDI nk’umufatanyabikorwa mwiza ndetse ko bazakomeza gukurikirana bya hafi ubuzima n’imibereho y’aba bantu.
Ati”Turashima CSDI ni umufatanyabikrwa mwiza utumenyera imiryango ibabaye kuva muri Covid 19 batuzaniraga ibiryo none ubu baduhaye inkunga kandi twizeye ko iyi nkunga izabafasha ikababera n’intangiriro yo kwizigama(…)Tuzajyanamo nabonye abayobozi b’amatsinda ari abantu bashoboye tuzakomeza gukurikirana cyane ko hari n’izindi gahunda dusanzwe duhuriramo n’aba bantu.”
Nyuma ya gahunda zitandukanye CSDI ikora ho harimo no kurwanya SIDA ,muri ubu bukangurambaga uyu muryango watangije n’indi gahunda izita ku bikorwa byo kurwanya indwara y’igituntu.
Nshungu Raoul
