Umunyamabanga wa Leta muri Ministeri y’urubyiruko n’umuco Bwana Bamporiki Edouard, amaze guhagarikwa igitaraganya ku mirimo ye na Nyakubahwa Perezida wa Repubulika Paul kagame, ibigaragazwa n’ itangazo ryasohotse kuri iki gicamunsi cyo kuri uyu wa kane Tariki ya 05 Gicurasi 2022 , ryashyizweho umukono na Minisitiri w’Intebe Edouard Ngerente.
Itangazo ryasohotse mu biro bya Ministiri w’Intebe rigira riti “ashingiye ku biteganywa n’itegeko nshinga rya Repubulika y’u Rwanda ryo mu 2003 ryavuguruwe mu 2015 cyane cyane mu ngingo yaryo ya 116
None kuwa 05 Gicurasi 2022 Nyakubahwa Perezida wa Repubulika yagaritse ku mirimo Bwana Bamporiki Edouard wari Umunyamabanga wa Leta muri Minisiteri y’Urubyiruko n’Umuco kubera ibyo agomba kubazwa akurikiranyweho.”
Iri tangazo ryasohotse mu gihe ku mbuga nkoranyambuga, hari hiriwe hacicikana amakuru avuga ko hari Ibifi binini byaba byatawe muri yombi n’urwego rw’igihugu rw’Ubugenzacyaha RIB, bakaba mubo bavugaga harimo uyu Bamporiki Edouard n’Umuyobozi w’Umujyi wa Kigali wungirije ushinzwe imiturire Bwana Mpabwanamaguru Merard.
Amakuru kandi akomeje kutavugwaho rumwe n’icyo uyu Bamporiki yaba yazize, bamwe bakavuga ko ari Ruswa, abandi bakabihuza n’ifungwa rya Bwana Prince Kid uherutse gutabwa muri yombi, ashinjwa imyitwarire idahwitse mu irushanwa rya Miss Rwanda.
Bamporiki akaba yarakomeje kurangwa n’udushya mu bikorwa bye bya buri munsi, aho yigeze no kugaragara ajya kwinginga Idamage Ryamugwiza, mbere y’uko afatwa ashinjwa ibyaha byo gupfobya Jenoside no kubiba amacakubiri, bikavugwa ko yari giye kumwinginga ngo asigeho, n’utundi dushya dutandukanye twakomeje kumuranga aho yakomeje no kwikinira mu Itorero Urunana yitwa Kideyo.
Uretse kuba Umunyamabanga wa Leta, Bamporiki yanabaye Umuyobozi w’Itorero ry’igihugu, Intumwa ya Rubanda, anandika ndetse akina Filimi yakunzwe na benshi Long Coat
