Kasesa Distillers & Distributors ltd ni uruganda rukora inzoga z’amoko atandukanye, inzoga bakora ni izo mu bwoko bwa Liqueur , ni rumwe mu nganda zimaze gutera imbere kuko ibinyobwa bikorerwa muri uru ruganda bikundwa na benshi kubera uburyohe ndetse no kuba zujuje ubuziranenge.
Mu rwego rwo kumenya imikorere y’uru ruganda ndetse n’ibanga rukoresha kugirango rukore inzoga nziza, ikinyamakuru Igisabo.rw cyasuye uru ruganda maze abanyamakuru baganira n’ubuyobozi bwa Kasesa Distillers & Distributors ltd ndetse babona n’umwanya wo gutembereza mu ruganda.
Bwana Rutayisire Emmanuel umuyobozi mukuru wa Kasesa Distillers & Distributors ltd aganira n’itangazamakuru yagize ati’’uru ruganda rwatangiye ari urw’abanyamahanga muri 2013, ariko nyuma twaje ku rugura tugambiriye kwiteza imbere no kwihangira umurimo aho kuwusaba.
Rutayisire kandi yemeza ko uru ruganda rumaze kugera kuri byinshi, uretse kuba rwarafashije abanyarwanda n’abandi kubona inzoga zizewe kandi zidahenze, uru ruganda rwafashije abatari bacye kubona akazi.
Bwana Rutayisire yakomeje agira ati’’twifuje gukora zino nzoga mu rwego rwo kugirango abanyarwanda badakomeza kuzitumiza mu mahanga, muri macye twifuzaga ko ziba Made in Rwanda, ndetse bigafasha abanyarwanda kubona imikorere.
Uyu muyobozi kandi aboneraho gutangaza ko bafite umwihariko wo kuba bafite uburambe mu gutunganya ibyo kunywa, ndetse no gukora ibyo kunywa byujuje ubuziranenge kandi biryoshye , iryo rikaba ari ibanga rikomeye rituma abantu bakunda inzoga zikorwa n’uruganda Kasesa Distillers & Distributors ltd
Rutayisire kandi atangaza ko kimwe n’izindi nganda, nabo bahuye n’imbogamizi kubera Icyorezo cya Covid 19, kugeza ubu imbogamizi bafite ni ukuba bimwe mu bikoresho bakoresha biva hanze y’igihugu kandi ingendo zikaba zikigoranye, ibyo bituma ibyo batumiza bitinda kandi bikaza bihenze cyane kandi uruganda rutazamura ibiciro bitewe nuko ubukungu bugihagaze nabi. Aha niho uyu muyobozi ahera asaba inzego zibishinzwe ko zakomeza kubaba hafi no kubafasha gukemura ibibazo batabasha kwikemurira.
Uyu muyobozi kandi aboneraho kongera kwibutsa abanyarwanda ko bakwiye guhindura imyumvire bakagirira icyizere ibikorerwa mu Rwanda, kuko hari abakibeshya ko inzoga zivuye hanze arizo nziza kandi hari n’inzoga zikorerwa mu Rwanda zishobora no kurusha ubwiza izikomoka hanze.
Bwana Rutayisire yemeza ko uruganda ruzakomeza kubakorera inzoga zitandukanye mu rwego rwo guhaza ugushaka kw’abakiriya.
Bwana Ndatimana Jean Marie umukozi ushinzwe ubuziranenge mu ruganda rwa Kasesa Distillers & Distributors ltd agira ati’’ibanga dukoresha kugirango dukore ibinyobwa byujuje ubuziranenge ni ugukunda akazi kacu, kugenzura byimbitse inzoga zacu ndetse no kuyikurikirana kugirango hatagira abatwigana bagakora ibitujuje ubuziranenge bakaba batwangiriza izina.
Kuri Ndatimana nk’umukozi muri Kasesa Distillers & Distributors ltd yemeza ko uru ruganda rwamufashije kwiteza imbere, akaba abasha kubona ibimutunga ndetse akita no ku muryango, ubu akaba afite inzozi zo gukomeza kwiteza imbere
Ndatimana aboneraho gushimira ubuyobozi bw’uruganda kuko rubafasha kubona ibyo bakenera, rukabahembera ku gihe, ndetse niyo hagize ikibazo kiboneka ubuyobozi burabegera bakagikemura kivandimwe.
Uruganda Kasesa Distillers & Distributors ltd rukora ibinyobwa bitandukanye birimo African Gin, Kasese pure waragi,professor Waragi, Star waragi n’izindi, izi nzoga zose zikaba zikoranwa ubuhanga kugirango zitagira ingaruka ku bazinyweye.
Ubwo abanyamakuru basuraga uru ruganda beretswe ibikoresho (Machines) bigezweho byifashishwa mu gutunganya inzoga, ndetse uru ruganda rukaba rufite inzobere mu gutunganya ibinyobwa aribo bifashishwa mu gutunganya inzoga zikorerwa muri Kasesa Distillers & Distributor ltd
Uruganda Kasesa Distillers & Distributors ltd kandi rufitiye akamaro abatari bacye kuko rwabashije gutanga akazi ku bakozi barenga 25 bahoraho ndetse n’abandi benshi ba nyakabyizi, uretse kuba rwinjiriza imisoro igihugu ariko rwahinduriye ubuzima abatari bacye babonyemo imirimo.
Uruganda Kasesa Distillers & Distributors ltd rukaba rufite intego yo gukomeza kugeza ku banyarwanda ibyo kunywa biryoshye kandi byujuje ubuziranenge, abanyarwanda n’abandi bakabibona bitabahenze kuko bimeze ku binyobwa bimwe na bimwe bikorerwa mu mahanga.
Mu gihe hakunze kumvikana inzoga zihitana abantu, kugeza ubu inzoga z’uruganda Kasesa Distillers & Distributors ltd nizo umuntu yanywa ntizimugireho ingaruka n’imwe kuko zujuje ubuziranenge nkuko byemejwe n’ikigo cy’igihugu gitsura ubuziranenge (RSB)
Uruganda Kasesa Distillers & Distributors ltd Rukorera mu karere ka Kicukiro, umurenge wa Gahanga ahazwi nko mu nganda, ushatse kurangura cyangwa gucuruza inzoga zikorwa na Kasesa Distillers & Distributors ltd wasura uruganda aho rukorera cyangwa ukaba wahamagara kuri 0788483857/ 0788379924
