Amaze amasaha makeya gusa arahiriye kuyobora USA, umukuru w’igihugu mushya wa Leta Zunze Ubumwe za Amerika Joe Biden yahise yihutira guhindura ingingo zimwe zari zarashyizweho na Donald Trump.
Mu gihe yinjiraga mu nyubako ikoreramo Perezida wa Leta zunze ubumwe za Amerika izwi nka Maison Blanche/White House nyuma y’irahira, Biden yanditse kuri Twitter ati: “Nta mwanya wo guta mu guhangana n’ibiza biduhangayikishije.
Perezida Biden yashyize umukono ku mategeko mbwirizwa 15 yose, irya mbere rikaba ryari ryerekeye ukurwanya ikiza cya coronavirus.
Ayandi mategeko ahindura ingingo z’ubutegetsi bwa Trump ku bijanye n’ihindagurika ry’ikirere hamwe n’amategeko yerekeye abimukira.
Perezida Biden yagiye mu biro amaze kurahira ejo ku wa gatatu nk’umukuru w’igihugu wa Leta Zunze Ubumwe za Amerika wa 46.
Ibi birori byo kurahira ntibyari bimeze nk’ibindi kubera amategeko yo guhangana n’icyorezo cya coronavirus, hari abatumirwa bake.
Donald Trump – utaremeye ko yatsinzwe amatora, nta nubwo yabashije kwitabira uno muhango w’irahira rya Biden.
Nyuma yo kurahizwa n’umukuru w’urukiko rw’ikirenga wa Leta zunze ubumwe za Amerika bwana John Roberts, Biden yavuze ati: “Demokarasi yatsinze” .
Mw’ijambo ryiwe ryo gukomeza ubumwe inyuma y’imyaka y’ubutegetsi bwa Trump bwaranzwe n’umwiryane, yiyemeje kuba umukuru w’igihugu “ku Banyamerika bose”, abamutoye n’abatamutoye.
Batatu mu bamuboneye izuba bari bitabiriye uno muhangovye : Barack Obama – yabereye icyegera mu myaka umunani yose yamaze ku butegetsi, Bill Clinton na George W Bush, hamwe kandi n’icyegera cya Perezida Trump, Mike Pence.
Umutekano wari wakajijwe ku ngoro inshinga amategeko ya Amerika, Capitol, ahabereye ibi birori.
.
Biden n’umufasha we Jill Biden, bari kumwe na Visi perezida Kamala Harris n’umugabo we Doug Emhoff, nyuma y’imihango yose bahise berekeza Pennsylvania Avenue bajya muri Maison Blanche, bagenda baramutsa abagenzi n’inshuti zabo.
Inyuma yo kurahizwa n’umukuru wa sentare nkuru y’igihugu, John Roberts, Biden yavuze ati: “Demokarasi yatsinze” .
Iyubukwa ry’umuhora uzajya unyuzwamo ibikomoka kuri peterori ni indi ngingo Biden yavuze ko agiye kuwushyiramo ingufu.
Umunyamabanga ushinzwe gusakaza amakuru mu biro kwa perezida, Jen Psaki, avuga ko iyi ngingo izoganirwako ku wa gatanu igihe Perezida Biden azaganira n’umutegetsi wa mbere wo hanze kuri terefone, uyu nawe akaba ari umuyobozi w’igihugu cya Canada, Justin Trudeau.
Uwo muhora kandi ukaba witezwe kuzubakwa utwaye miriyaridi umunani z’amadorari ukazaba ufite ubushobozi bwo gutwara hafi utugunguru 830.000 tw’ibitoro ku musi, ubivana ahitwa Alberta muri Canada kugera muri Leta ya Nebraska.
Ku bijanye n’abimukira, Perezida Biden yakuyeho itegeko rya Trump ryatumye hubakwa urukuta rutandukanya Amerika na Mexique, yongera kandi ahagarika itegeko ribuza abanyagihugu b’ibihugu bimwe na bimwe by ‘Abasilamu kwinjira mu gihugu.
Ayandi mategeko mbwirizwa yerekeye gukuraho ikumira rishingiye kuruhu no ku gitsina.
Mu kiganiro cya mbere n’abanyamakuru ku bubutegetsi bwa Biden, umunyamabanga mu biro kwa perezida ushinzwe kumenyekanisha amakuru Jen Psaki yabajijwe nimba ashyira imbere uguhagararira inyungu za Biden, cyangwa ko azashyira imbere “ukuri kutagira aho kubogamiye.
Uyu muyobozi ushinzwe itangazamakuru Psaki yavuze ko “yubaha cyane uruhare rw’ibinyamakuru byigenga” kandi ko azi kwifatanya n’umukuru w’igihugu mu kugarukana “ukuri n’ugukorera mu mucyo”.
Perezida Trump hamwe n’abanyamabanga be bari baragaragaje integer nke mu gukorana n’itangazamakuru..
None ibya Trump bigiye kumera gute?
Ibyo kurangira kw’akajagari karanze ubutegetsi bwa Trump byabaye muri uku nk’ukwezi.inteko y’ubuabera yiteguye ku mucira urubanza, ni nyuma y’aho yegujwe n’inama nshingamateka ku nshuro ya kabiri.ashinjwa ko yateje kwigumura y’abaturage bagatera ingoro inshinga amategeko izwi nka Capitol.
