Mukaruliza Monique wigeze kuba Ambasaderi w’u Rwanda muri Zambia na Minisitiri ushinzwe ibikorwa by’Umuryango wa Afurika y’Iburasirazuba yagizwe Umujyanama muri Minisiteri y’Ububanyi n’amahanga.
Uyu mwanya Amb Mukaruliza Monique yawushyizweho n’Inama y’Abaminisitiri yateranye ku wa 4 Mutarama 2021 iyoborwa na Minisitiri w’Intebe, Dr Edouard Ngirente.
Abinyujije kuri Twitter Mukaruliza yashimiye Perezida Kagame wongeye kumugirira icyizere. Ati “Nshimiye byimazeyo Nyakubahwa Paul Kagame ku cyizere yongeye kungirira kandi nshimishijwe no gukomeza gukorera igihugu cyanjye nk’Umujyanama muri Minaffet.”https://platform.twitter.com/embed/index.html?creatorScreenName=igihe&dnt=false&embedId=twitter-widget-0&frame=false&hideCard=false&hideThread=false&id=1346217978396876801&lang=en&origin=https%3A%2F%2Figihe.com%2Famakuru%2Fu-rwanda%2Farticle%2Famb-mukaruliza-wagizwe-umujyanama-muri-minaffet-yashimiye-perezida-kagame&siteScreenName=igihe&theme=light&widgetsVersion=ed20a2b%3A1601588405575&width=550px
I’m humbled and thankful to H.E @PaulKagame for the renewed trust and privilege to continue serving my country as Strategic Adv. in Minaffet.
— Monique Mukaruliza (@MukarulizaM) January 4, 2021
Mukaruliza yabaye Umuyobozi w’Umujyi wa Kigali hagati ya 2016 na 2017. Kuva mu 2006 kugeza mu 2007 Mukaruliza yari ahagarariye by’agateganyo Umuryango wa Afurika Yunze Ubumwe muri Sudani. Mbere y’aho yabaye umuyobozi wungirije ushinzwe ubutumwa bwa Afurika Yunze Ubumwe muri Sudani kuva mu 2004 kugeza mu 2006.
Afite ubunararibonye mu bucungamari n’ibijyanye na yo, dore ko ari no mu bafashishije gushyiraho Ikigo cy’Igihugu cy’Imisoro (Rwanda Revenue Authority) yanabereye Komiseri w’imbere mu kigo ushinzwe ubugenzuzi bw’imari nyuma aba komiseri ushinzwe imisoro y’imbere.
Mukaruliza kandi yanabaye mu buyobozi bwa Banki ya Kigali aho yakoze nk’umugenzuzi w’imari, nyuma aba umuyobozi mukuru w’imari mu kigo cy’impfubyi, Village d’Enfants SOS Kinderdolf International-Rwanda.
