Nyuma yaho ikipe ya Rayon Sports yatangaje ko yasinyishije rutahizamu ukomoka mu gihugu cya Togo Alex HArlley ubu yatangaje ko yamaze guha amasezerrano y’Imyaka 2 Nihoreho Arsène akaba ari uwa gatatu mu batsinze ibitego byinshi i Burundi.
Kuri uyu wa Mbere ikipe ya Rayon Sports yatangaje ko yamaze gusinyisha rutahizamu ukomoka I Burundi Nihoreho Arsène amasezerano y’imyaka ibiri, akazakinira Rayon Sports kuva mu mwaka w’imikino utaha wa 2020/2021.
Uyu musore ukiri muto yatsindiye ikipe ye ya Olympic star ibitego 17 byahesheje ikipe ye kurangiza ku mwanya wa 8 naho we aba uwa gatatu mu batsinze ibitego byinshi muri shampiyona y’u Burundi ya 2019/2020, aho uwa mbere yari afite ibitego 19, akaba yaranatsinze ibitego bine mu mukino aheruka gukina.
Ikipe ya Rayon sports ikomeje urugamba rwo kwiyubaka mu gihe ikiri mu bibazo bitandukanye byo kutumvikana hagati y’ubuyobozi,abafana ndetse n’abafatanybikorwa ibi byatumye ikomeza kubura benshi mu nkingi za mwaba zayo.
