Ubuyobozi bw’Ishyaka Riharanira Ubumwe bw’Abanyarwanda na Demokarasi (UDPR), bunejejwe no kwifuriza Nyakubahwa Perezida wa Repubulika y’u Rwanda, Paul Kagame n’umuryango we, abagize Inteko Ishingamategeko imitwe yombi, Perezida w’Urukiko rw’Ikirenga, abagize Guverinoma, abagize inzego z’umutekano: Ingabo na Police y’igihugu, abayoboke ba UDPR, abanyarwanda bose n’inshuti z’u Rwanda,umwaka mushya muhire wa 2022.
Ishyaka UDPR rirashimira Umukuru w’Igihugu waranzwe n’ubutwari, ubushishozi, no gushakira amahoro arambye u Rwanda, mu bihebikomeye by’icyorezo cya Covid-19, cyashegeshe igihugu cyacu ndetse n’isi yose birigucamo.
Urukundo ruhebuje akunda abanyarwanda rwatumye ashishikarira gushakisha inkingo, u Rwanda rukaba ruri ku isonga mu bihugu byitwaye neza mu kurinda ubuzima bw’abaturage covid-19 no kubonera ibiribwa abaturage b’amikoro make mu gihe cya guma mu rugo no gufasha abikorera kuzahura imirimo yabo y’ubucuruzi yazahajwe n’ingarukaza covid-19.
Ubuyobozibw’ishyaka UDPR bwijeje Nyakubahwa Perezida wa Repubulika kuzakorana umurava ndetse no gushishikariza abayoboke baryo gukunda umurimo, dufatanya n’abanyarwanda bose kuzahura ubukungu bw’igihugu cyacu hakomeza kubahiriza ingamba zo kwirinda no kurandura Covid-19.
Umwaka wa 2022 uzabere abanyarwanda bose umwaka w’amahoro n’ubusugire bw’igihugu, ubuzima bwiza, uburumbuke, ubumwe bw’abanyarwanda n’umubano mwiza n’amahanga.
