Mu muhango wo kwibuka ku nshuro ya 29 Jenocide yakorewe Abatutsi 1994 mu murenge wa Gahanga aho hibukwa Abatutsi 16,797 bazize uko bavutse, hatanzwe ubuhamya bugaragaza ko abaharokokeye babaye inkirirahato kuko bahizwe bukware bakicwa by’agashinyaguro hagasigara mbarwa.
Gusa nubwo bimeze bityo, ari uwatanze ubuhamya, ari abahagarariye IBUKA n’abandi bayobozi bafashe ijambo, bemeza ko kubaabarira no kubana mu mahoro aricyo bashyize imbere kugira ngo bagere ku iterambere rirambye ridafite inkomyi.
