Mu gihe mu mwaka wa 2018, Ikigo cya Gikristo gishingiye ku burere n’Indangagaciro za Gikrsto, Authentic International Academy ryegukanye umwanya wa mbere ku mugabane wose w’Afurika n’umwanya wa kane ku isi mu irushanwa mpuzamahanga ryari ryateguwe n’umushinga w’Abongereza witwa Teachman to Fish, naho muri uyu mwaka w’Amashuri 2020-2021 Umwarimu wabo Bauduin Jean Bosco akegukana umwanya wa mbere mu gihugu cyose mu barimu bigisha amashuri y’isumbuye mu bihembo byatanzwe na Ministeri y’uburezi kuwa 05 Ukwakira 2021, Ubuyobozi bw’ishuri burasobanura ibanga ryifashishwa kugira ngo intsinzi nk’iyo ikomeze yimakazwe.
Umuyobozi w’Ishuri rya Aunthentic Interntional Academy Tuyizere Jean Baptiste avuga ko ibanga rikoreshwa kugira ngo ikigo cyabo gikomeze kuza ku isonga akenshi bishingira ku ireme ryiza ry’uburezi rihatangirwa rishingiye ku mpinduka z’ubuhanga n’uburezi bwuzuye.
Agira ati ” ntawabivuga ngo abirangize kubera ko n’ubusanzwe impinduka zuzuye zijyanye n’uburezi bufite intego aribyo dushingiraho mu amasomo twigisha abana.
Aya masomo tuyahuza n’ibimenyetso bitatu by’ingenzi aribyo , Umutwe, Umutima n’Ikiganza. Umutwe ubusanzwe tuwugereranya n’uburezi butanga ubumenyi bw’agaciro ariko kandi bushingiye ku ndagagaciro z’Ijambo ry’Imana n’Umuco.
Umutima nawo tukawufata nkumuntu w’Umukiranutsi urangwa n’uburere bwiza, w’inyangamugayo kandi nawe urangwa n’indangagaciro za Gikristo.
Ku bigendanye n’ikiganza nacyo kikagereranywa n’uwiga amasomo ye agahuza ibyo yari asanzwe azi n’ibyo yize byose, ariko kandi nabyo bigaherekezwa na za ndagagaciro za Gikristo.
Muri make twavuga ko Umutwe, Umutima n’Ibiganza ari uburezi butanga ubumenyi bwubakiye ku ijambo ry’Imana kugirango niba wize icyo gifaransa cyangwa icyongereza, imibare ubumenyamuntu ubivangemo n’ubukiranutsi.
Avuga ko Authentic Interntional Academy ryashinzwe mu 2010, bigendeye ku buhanuzi bw”Intumwa y’Imana Apotre Paul Gitwaza wari ugamije gushyigikira no gutera inkunga uburezi bw’u Rwanda maze akariha intego yo kuzagira ubumenyi nyabwo kandi bunashingiye ku ndagagaciro z’Ijambo ry’Imana, umuco, n’ubukiranutsi.
Bwana Tuyizere Jean Baptista avuga ko kuba ishuri abereye Umuyobozi rikomeje kuza mu myanya ya mbere nta gitangaje kirimo, kubera ko bafite abarimu bafite ubumenyi buhagije n’ubunararibonye mu byo bigisha, bakagira abana baza kwiga banafite intego yo gukurikira amasomo neza kandi bagamije no kuyatsinda mu muburyo bwose.
Ku bigendanye n’ubudasa Ishuri rya Authentic International Academy, Bwana Tuyizere avuga ko ishyaka n’ubutwari batabigaragaje muri uyu mwaka wonyine kuko muri 2018, bitabiriye irushanwa mpuzamahanga ryari ryateguwe n’ikigo cyo mu Bwongereza”Teachman to Fish”, kigamije guteza imbere uburezi bw’abana biga mu mashuri y’isumbuye bagamije ahanini kureba uko umwana ukiri ku ntebe y’ishuri babyaza umusaruro amasomo yiga akayabyaza umusaruro.
Avuga ko iryo rushanwa ryitabiriwe n’ibigo by’amashuri ibihumbi 9 (9000 Etablissements), muri Afurika hitabiriye ibihumbi 5 (5000) mu gihe mu Rwanda hari hitabiriye ibigo 273 maze nyuma y’ipiganwa, aho Abanyeshuri be bari berekanye uburyo bakora isabune y’isuku y’amazi, bakerekana n’uburyo bayamamaza, babashije gufata umwanya wa kane mu urwego rw’isi, ku urwego rw’Afurika baza ku mwanya wa mbere ndetse no mu bigo byavuye mu Rwanda ishuri ryabo riba ariryo riza ku isonga.
Tuyizere yishimira ko mu gutanga igihembo ku urwego rw’Afurika, ibihembo byaje gutangirwa mu Rwanda umuhango ukaba waranabereye muri Aunthentic International Academy ku Kicukio ibintu ngo byashimishije abarezi, n’Ubuyobozi bw’ishuri by’umwihariko.
Nyuma y’uko Authentic International Academy kandi ibashije kwitwara neza muri ayo marushanwa mpuzamahanga yari agenewe abanyeshuri muri 2019, Ministeri y’Uburezi ibinyujije mu kigo cyayo gishinzwe uburezi cya REB yashizeho amarushanwa yo kureba uko ibigo by’amashuri byubahirizaga integanyanyigisho nshya yari imaze gusohoka “calculum”, maze mu isuzuma ngo ryakozwe Authentic International Academy n’ubundi ibasha kuza muri batanu ba mbere aho Umuyobozi w’Ikigo Bwana Tuyizere Jean Baptista ubwe yakiriye igihembo nk’Umuyobozi washyize mu bikorwa neza iyo nteganyagisho uko bigomba.
Asoza avuga ko muri uyu mwaka wa 2020-2021, intego yo gutsinda yakomeje kuba Intego, aho umwarimu Bauduin Jean Bosco yongeye guhesha ishema ikigo cyabo ubwo yazaga ku mwanya wa mbere mu urwego rw’igihugu mu bigo by’amashuri y’isumbuye y’igenga. Ni nyuma y’uko hakozwe isuzumwa ry’uko umwarimu yabaga yigisha, uko yafashije abanyeshuri be gukurikirana amasomo mu gihe cya Guma murugo no mu bihe byakurikiyeho, uko abyaza umusaruro amasomo yigisha, uko abana n’abandi baba abo bakorana, abo yigisha, abamuyobora n’ibindi.
Agira ati ” ntabwo ibyishimo byarangiriye kuri Bauduin Jean Bosco gusa, kubera ko n’umwarimu wabaye uwa mbere mu urwego rw’umujyi wa Kigali mu kiciro cy’amashuri abanza ari uwa Authantic Inernational Academy hano ku kicukiro, mu gihe na none uwabaye uwa mbere ku urwego rw’igihugu ikiciro cy’amashuri abanza nawe ari uwacu wigisha ku ishami rya Nyagatare kuko dufite amashami menshi mu gihugu.”
Avuga ko ibi byose biri kugerwaho byo kwishimirwa na benshi, nta kindi babikesha kitari ukurangwa n’Indagagaciro za Gikristo no gutanga Ubumenyi n’uburere bifite intego, bagendeye ku ibanga bihaye banagenderaho rigereranywa n’umutwe, umutima n’ikiganza.
Muri make Bwana Tuyizere Jean Baptiste, avuga ko nta rindi banga bakoresha bitari ugukunda umurimo w’uburezi bahisemo bagendera kuri gahunda za Leta, Guhitamo abarimu bujuje indangagaciro zisabwa kandi bafite ubumenyi n’uburambe, Kugira abana bakurikira neza amasomo kandi nabo bafite intego yo gutsinda kandi ngo bazakomereza muri uwo murongo ibihe byose ntibateze gutezuka.
Urugero rwa hafi Bwana tuyizere atanga, ni uko abana bose bakoze ibizamini bya Leta muri uyu mwaka w’Amashuri 2020-2021, abo mu mwaka w’amashuri abanza muwa gatandatu, hafi ya bose batsinze bari mu kiciro cya 1. Naho abo mu mwaka wa 3 mu mashuri y’isumbuye, abenshi nabo bakaba baraje mu kiciro cya 1 uretse bake babonetse mu kiciro cya 2.
Avuga ko uburezi iyo wamaze kubwubakira ku Ndangagaciro ibyo ushaka byose ngo ubigeraho.
avuga kandi ko kuba isi ya kino gihe iri kugenda ihura n’ibibazo, atari ukubera ko ibuze abahanga bashoboye barahari ngo icyo babura ni Indagagaciro, bakaba bafite icyuho mu bumenyi bazi.
Agira ati ” birababaje kubona uwize ubugenge n’ubutabire aho yabibyaje ibigirira akamaro abaturage, ahubwo ahitamo gukora ibitwaro bibarimbura. Hari n’ikindi kubona nk’abantu bize na none iby’imari n’ubukungu aho kugira ngo ubumenyi bwabyo babukoresheje bateza imbere ubukungu bw’isi, ahubwo bo bahitamo kwiba no kunyereza imitungo bashinzwe.
Birabaje kubona abize iby’ubwiza, gutaka n’imirimbo, aho ibyo byose babikoresheje ngo batoze abantu kwambara no kubaho neza, ahubwo birirwa bambaye ubusa banakina imikino y’urukozasoni.
Abize imbonezamubano, aho nabo batoje abantu kubana neza mu ngo nibo zubatswe, usanga hari umaze gutandukana n’abo bashakanye barenze bane.
ibyo byose usanga muri rusange ari ukutagira indangagaciro muribo z’ibyo bize bakagombye kubamo Intangarugero.”
Bwana Tuyizere, asaba abo bakorana gukomera ku ibanga bagahora baharanira gutsinda imyaka yose uko izagenda ikurikirana kubera ko imihigo ikomeje kandi ngo irakomeye.
Asaba ababyeyi gukomeza gushyira igitsure ku bana bakiga bashyizeho umwete kandi banakomeza kurangwa n’ikinyabupfura ku buryo ngo ibyabaye mu mwaka w’amashuri ushize aho abana bacaga amakayi ngo bamaze kwiga, bagatera amabuye abarimu bakangiza n’ibikoresho by’ikigo ngo ntibikagaruke ukundi, ahubwo agasaba ko hahore haharanirwa kugira abana barangwa n’Indagagaciro na kirazira bityo u Rwanda ruzaragwe abana b’abahanga bafite intego yo kurwubaka no kuruteza imbere ibihe byose.
Bwana Baudouin Jean Bosco Umwarimu w’Indashyikirwa ku rwego rw’igihugu. yishimira igihembo yahawe na Ministeri y’Uburezi ariko akishima cyane kurushaho iby’uko yagihawe agikwiriye, kubera ahanini ireme ry’uburezi ritangirwa ku ishuri abereyeho umurezi rya Authentic Inernational Academy.
Agira ati “maze imyaka irindwi nkora kuri kino kigo cya Aunthentic International Academy aho nigisha isomo ry’ikoranabuhanga mu banyeshuri ndetse nkanafasha ikigo muri ICT mu bikorwa byabo bya buri munsi.
Mu by’ukuri iki gihembo nahawe cyaranshimishije kuko nazamutse ku urwego rw’Akarere ndi uwa mbere ku manota 86%, ku urwego rw’umujyi wa Kigali nabwo nza ndi uwa mbere ngira 85,5% ndetse no mu urwego rw’igihugu cyose, nabwo mba uwa mbere ntsinze abantu 20 twahatanaga bavuye mu mpande zitandukanye, ngira 80% nkaba narahembwe Moto nshya, Mudasobwa ifite agaciro cy’ibihumbi 500 ndetse n’impamayabumenyi ifite agaciro ko hejuru.”
Bwana Baudouin, avuga ko ibanga yakoresheje nta rindi bitari ukugira intumbero y’uburezi buhamye agendera ku nteganyanyigisho y’amashuri Leta yabahaye, kugendana n’ibihe kandi ashingiye ku ikoranabuhanga maze byose akabikora abikunze kandi agamije no guteza imbere abo yigisha.
Avuga ko mu udushya yashimiwe muri rusange, harimo kuba yarabashije gukora isabune y’isuku yafashije abanyeshuri n’abarezi kugira isuku ihagije mu bihe bitari byoroshye bya Covid 19.
Kuba yarabashije kugura ibyuma by’ikoranabuhanga ku giti cye byafashije abanyeshuri gukurikirana amasomo yose ku buryo Porogaramu zose bazisoje nta cyuho na gito kibayemo.
asoza vuga ko intego afite mu bihe biri imbere ari ugukomeza gutsinda kandi akazubahiriza amabwiriza ya Ministeri y’uburezi abasaba gukora cyane kurushaho, ku buryo aho yakoraga amasaha abiri, azajya ahakora amasaha ane ndetse akaba adateze no kuzaryama ngo asinzire ahubo ko azakomeza guteza imbere ikoranabuhanga anaritoza kurushaho abo ashinzwe kurera.
Asaba bagenzi be basangiye umwuga wo kurerera u Rwanda, gukomeza kwigisha batadohoka kandi baharanira gutanga ireme ry’uburezi rishyitse, ari nako bakoresha ikoranabuhanga cyane banaritoza abo barera.
Abakangurira kandi kugana ikigo cy’imari bashyiriweho cya Sacco, bagafata inguzanyo yabafasha kwiteza imbere mu bikorwa bindi byakunganira umurimo w’uburezi bakora kandi bazabigeraho nibaramuka babishyiramo umwete.
Ikigo cy’Amashuri cya Authentic International Academy, ni Ikigo cya Gikristo gishingiye ku ndangagaciro za Gikristo, kikaba giharanira uburezi bugira impinduka cyangwa impinduka zuzuye kubabuhabwa.
Gifite amasomo atangwa mu byiciro bitatu bitandukanye ari ibyo : ikiciro cy’amashuri y’inshuke Nussary, Ikiciro cy’amashuri abanza Primary, N’ikiciro cy’amashuri y’isumbuye kugera mu mwaka wa gatatu aricyo bita o’Lever.
Ni Ikigo cy’ikitegererezo mu Rwanda, giherereye mu Karere ka kicukiro, Umurenge wa Niboye, Akagari ka Niboye, Umudugudu wa Gatare munsi neza ya Paruwasi Gatolika ya Kicukiro.
Abifuza kugana kuri iri shuri no kwandikisha abazahiga muri uyu mwaka mushya w’amashuri wa 2021-2022, mwahamagara kuri 0782085761 mukakirwa neza.
