Mu gitondo cyo kuri uyu wa Gatanu, mu gihugu hose hatangiye ibikorwa byo gukingira icyorezo cya Covid-19, nyuma y’iminsi ibiri u Rwanda rwakiriye inkingo za mbere zakozwe n’ibigo birimo AstraZeneca na Pfizer.
Uko igikorwa cyo gukingira Covid-19 bwa mbere hakoreshejwe urukingo Covax rwagejejwe mu Rwanda mu mpere za Gashyantare 2021 n’Ishami ry’Umuryango Ushinzwe Ubuzima kw’Isi (WHO) cyagenze iByabarenze.
Icyo gikorwa cyagenewe ikingo 50000 za Covex mu gihugu cyose,kuwa Kane tariki 4 Werurwe 2021, hiriweho ibikorwa byo gukwirakwiza izo nkingo ku bitaro n’ibigo nderabuzima, kugira ngo ibikorwa byo gukingira bitangire nta kibazo na kimwe gihari.
Icyogikorwa kandi byiteganyijwe ko gikomeza mu icyiciro cyindi kizakoreshwamo urukingo rwitwa Pfizer kizaba kigenewe ikingo zingana na 102,960 zigezwa iKigali muri Werurwe 2021.
Ikingo za Pfizer zifite ubushobozi bwo kuba bwakingira uwacingiwe ku kigero cya 95% .
URwanda rumaze kwacira ikingo za Covid-19 zirimo n’urwitwa AstraZeneca kumwe ruzatangwa bizaba bifite ikingo zigera kuri 342, 960.
Mu duce dutandukanye, abakora mu nzego z’ubuzima kuva ku bakora mu bigo bya Leta, amavuriro, ibitaro, abageze mu zabukuru n’abandi bazindukiye kuri site zatoranyijwe, bategereje guhabwa urukingo rwitezweho gufasha igihugu gukingira Covid-19, bikaba umuryango uganisha ku gusubiza ibintu mu buryo ibikorwa by’iterambere bigasubukurwa uko byahoze.
Biteganyijwe ko bitarenze Kamena 2022, 60% by’Abanyarwanda bazaba bamaze gukingirwa ari nabwo hazaba hari icyizere cyuzuye cyo guhashya ubwandu bushya.
Abanyamakuru ba IGIHE bazindukiye mu duce dutandukanye, bareba uko igikorwa cyo gutanga inkingo ku munsi wa mbere gihagaze.
Minisitiri w’Ubuzima, Dr Ngamije Daniel, yabaye umwe mu bayobozi bakuru b’igihugu babimburiye abandi banyarwanda gukingirwa Covid-19, avuga ko yiyumva neza mu mubiri ku buryo n’abanyarwanda bose bakwitabira uru rukingo nk’uko inzego nkuru z’igihugu zikomeje kubibashishikariza.
Minisitiri w’Ubuzima, Dr Ngamije Daniel, ubwo yakingirwaga
Mu mafoto
Benshi mu bitabiriye ibikorwa byo gukingirwa, bari bafite ibyishimo nyuma yo gukingirwa kuko nibura bumva barinzwe, nyuma y’umwaka w’ubwoba, ko isaha n’isaha bashobora kwandura.
Minisitiri w’Ubuzima Dr Ngamije Daniel ni umwe mu bayobozi batewe urukingo rwa Covid-19. We n’Umuyobozi wa OMS mu Rwanda, Dr Kasonde Mwinga ndetse n’abandi bakozi bo mu nzego z’ubuzima bakingiriwe ku bitaro bya Masaka.
Minisitiri Ngamije ni umwe mu bayobozi bakingiwe ku ikubitiroDr Kasonde yagaragaje akanyamuneza ubwo yahabwaga urukingo rwa Covid-19
Abashinzwe ubuzima ku bitaro bya Masaka babanzaga gusobanurira abaje gukingirwa imiterere y’urukingo bagiye guhabwaGuhabwa urukingo ku bakuze bitanga amahirwe menshi yo kutandura, dore ko iyo banduye ubuvuzi bwabo bugorana
Abihaye Imana bari mu bahereweho ubwo ibikorwa byo gukingira i Masaka byatangizwaga
Umuganga apima ikigero cy’urukingo agiye gutangaAbakuze bari mu bahereweho mu bitaro bya Masaka biherereye mu karere ka Kicukiro
Ibikorwa byo gukingira kandi byakomeje mu bice bitandukanye by’umujyi wa Kigali
Inkingo zatangiye gutangwa ziri mu zisaga ibihumbi 300 igihugu cyakiriye mu minsi ibiri ishize
Gukingira birakomeza hirya no hino mu gihugu kuko Minisante yijeje ko Guverinoma izakomeza gushakisha inkingoMu mujyi wa Kigali uri mu bice byugarijwe cyane ibikorwa byo gukingira birakomeje
Ku bitaro bya Kibagabaga mu karere ka Gasabo naho abantu bakingiwe
Abakora mu rwego rw’ubuzima ku bitaro bya Kibagabaga bari mu bakingiwe bwa mbereBamwe mu batanze inkingo ku bitaro bya KibagabagaAbageze mu zabukuru muri Gasabo bari mu bakingiwe ku ikubitiro i Kibagabaga
Ku kigo nderabuzima cya Shyorongi, aba mbere bahawe inkingo.
Abaturage bahawe inkingo, bijejwe ko nta ngaruka kuko zagenzuwe bihagije n’inzego zibishinzweUyu muturage yabanje gusobanurirwa iby’urukingo rwa Covid-19 yari agiye guterwa
Uwahawe urukingo agirwa inama yo gutegereza iminota nibura 20 atuje, akabona gukomeza ibikorwa bye.
Shyorongi muri Rulindo ubutumwa busaba abaturage kwirinda Covid-19 buracyatangwaAbatuye i Shyorongi muri Rulindo bakingiwe, dore ko aka karere kamaze kugaragaramo abasaga 220 banduye Covid-19Abanya-Rulindo bizeye ko guhabwa inkingo biganisha ku guhashya burundu icyorezo cya Covid-19
Mu Karere ka Rubavu batangiye bakingira Umuyobozi w’Ibitaro bya Gisenyi, abandi bakozi bakurikirahoUmuyobozi w’Ibitaro bya Gisenyi, Chief Superintendent Tuganeyezu Oreste, ari mu bakingiwe bwa mbere
Ibikorwa byo gukingira byatangiye mu Karere ka Rubavu, abantu babiri aribo bamaze guhitanwa na Covid-19 mu gihe kigera ku mwaka icyorezo kigeze mu RwandaMu Karere ka Rubavu hamaze kuboneka abarwayi 815 ba Covid-19. Kari ku mwanya wa gatandatu mu kugira ubwandu bwinshiRubavu ikora kuri Repubulika Iharanira Demokarasi ya Congo. Ni akarere gahoramo urujya n’uruza, gukingirwa ni igikorwa abaturage bishimiye cyane
Gukingira Covid-19 mu Karere ka Nyaruguru byabereye mu Bigo Nderabuzima bitandukanye. Ni igikorwa cyatangiriye ku batanga serivisi z’ubuzima hakurikiraho abaturage bahageze mbere. Igikorwa kirakomejeInkingo ziri gutangwa mu Rwanda kugeza ubu ni urwakozwe na Pfizer n’urwa AstraZeneca
Nyaruguru ni kamwe mu turere tutazahajwe cyane na Covid-19 kuko hamaze kuboneka abarwayi 208 gusa.
Abakuze, abafite indwara zidakira n’abahura n’abantu benshi bari mu bahereweho
Mu Karere ka Gisagara igikorwa cyo gukingira Covid-19 cyatangiye. Abakingiwe ku ikubitiro barimo abayobozi n’abaturage bazindutse. Ni igikorwa cyatangijwe n’Umuyobozi w’ako Karere Rutaburingoga Jérome wahise anakingirwa.
Abaturage bategereje gukingirwaGisagara nk’akarere gakora ku mupaka, ubwirinzi ni ngombwa cyaneMu karere ka Gisagara kwikingiza Covid-19 byitabiriwe. Aka karere kamaze kubonekamo abarwayi 302
Igikorwa cyo gukingira Covid-19 mu Karere ka Nyamagabe cyatangiye aho haherewe ku bagomba gukingirwa bahageze mbere barimo abatanga serivise z’ubuzima n’abaturage.Abakora mu nzego zituma bahura n’abantu benshi bari mu baherewehoGukingira muri Nyamagabe bifite igisobanuro kinini nk’akarere kari ku mwanya wa cyenda mu twibasiwe na Covid-19 mu RwandaAbantu 555 nibo bamaze kwandura Covid-19 i Nyamagabe, ariyo mpamvu ingamba zo kwirinda zakajijwe cyane
Mu Karere ka Nyanza igikorwa cyo gukingira Covid-19 cyatangijwe n’Umuyobozi w’ako karere ahita anikingiza. Ni igikorwa kiri kubera mu bigo nderabuzima bitandukanye aho abagomba gukingirwa bakomeje kwitabira.Muri Nyanza bitabiriye kwikingiza, dore ko ako karere ari kamwe mu tutaragaragaramo uwahitanywe na Covid-19Mu karere ka Nyanza kamaze kubonekamo abarwayi 181, ni hamwe mu ho abaturage bazindukiye kwikingiza
Abaturage muri Nyanza ubwo bari bategereje gukingirwa
Mu karere ka Huye naho igikorwa cyo gukingira Covid-19 kiri kubera mu Bigo Nderabuzima byose.
Ni igikorwa kiri kuba kubahirizwa n’amabwiriza yo kwirinda icyo cyorezo arimo kwambara neza agapfukamunwa no guhana intera.Muri Nyaruguru nubwo ntawe barapfusha azize Covid-19, bitabiriye kwikingizaAbakingiwe bibukijwe ko agapfukamunwa no gukaraba kenshi biri mu bya mbere bifasha kwirinda icyorezo
Mu Karere ka Kayonza naho ibikorwa byo gukingira byatangiye. Umuyobozi w’ako karere, Murenzi Jean Claude n’abandi bakozi b’Akarere babanje kwigishwa mbere yo gukingirwa.
Umuyobozi w’Akarere ka Kayonza Murenzi Jean Claude n’abandi bakozi b’Akarere babanje kwigishwa mbere y’uko bakingirwa
Kayonza imaze kubonekamo abantu 300 banduye Covid-19. Ibikorwa byo gukingira ni bimwe mu byitezweho kugabanya ubwandu
Aha basuzumaga ko ari ku rutonde mbere yo kumukingira
Mu Bugesera gukingira byahereye ku bayobozi bo mu nzego z’ibanze kugira ngo bahite basubira mu kazi
Mu Bugesera aho ibikorwa byo gukingira byabereye hari hateguwe
Bugesera ni kamwe mu turere tutagaragayemo ubwandu bwinshi kuko hamaze kuboneka abarwayi 176.
Abakingiwe bibukijwe ko ingamba zo kwirinda zidahagaze kuko hakiri abaturage benshi batarakingirwa
Mu karere ka Kirehe naho ibikorwa byo gukingira byatangiye
Abatuye i Kirehe bazindutse iya rubika bajya kwikingiza Covid-19
Nyagatare habanje gukingirwa abaganga n’abajyanama b’ubuzima bakurikizaho abayobozi b’imidugudu bafite hejuru y’imyaka 60.
Abageze mu zabukuru muri Nyagatare bari bitabiriye. Inzobere mu buzima zivuga ko abakuze ari bamwe mu bazahazwa cyane na Covid-19Abasaga 340 bamaze kwandura Covid-19 uhereye muri Werurwe 2020Abakora mu nzego z’ubuzima n’abandi bahura kenshi n’abaturage bari mu bahereweho
Akarere ka Nyagatare nk’akarere gakora ku mupaka ashobora kwinjirira byoroshye ubwandu bwa Covid-19, ni iby’ingenzi gukingirwa
Mu Karere ka Rwamagana gukingira byatangiye. Ku Kigo Nderabuzima cya Rwamagana ni hamwe mu ho byabereye. Umuyobozi w’Akarere ka Rwamagana wungirije ushinzwe imibereho myiza y’abaturage, Mutoni Jeanne ari mu bakingiwe bwa mbere. Abajyanama b’ubuzima n’abayobozi bo mu nzego z’ibanze nibo babanje gukingirwa.Abaturage bo muri Rwamagana bitabiriye ku bwinshi kwikingiza Covid-19Umuyobozi w’Akarere ka Rwamagana wungirije ushinzwe imibereho myiza y’abaturage, Mutoni Jeanne ari mu bakingiwe bwa mbere .
Akarere ka Rwamagana kamaze kwanduramo abantu 308 guhera umwaka ushize.
h
