Akarere ka Gisagara: Isoko nziza isumba isari ,aho wasangiriye n’abakurambere ntiwahasuzugura Gisagara mu isura shya

Akarere ka Gisagara ni kamwe mu turere 30 tugize igihugu ka kaba gaherereye mu ntara y’amajyepfo.mu majyepfo n’iburasirazuba gahana imbibi n’igihugu cy’u Burundi,mu majyruguru gahana imbibe n’akarere ka Nyanza,naho iburengerazuba kagahana imbibe n’uturere twa Nyaruguru na Huye,Gisagara ifite imirenge 13,utugari 59 n’imidugudu 534.

Imyaka makumyabiri n’itandatu irihiritse u Rwanda rubohowe n’ingabo zahoze ari iza FPR Inkotanyi ndetse zihagaritse Genocide yakorewe abatuti,urugamba rwari rukurikiye ni urwo gusana imitima,kwita ku mpfumbyi n’abapfakazi ariko hagombagaga kubaho n’icyerekezo kirambye cy’iterambere mu gihugu.

Muri ino nkuru turagaruka kuri bimwe bivugwa kandi bigaragara ku karere ka Gisagara kagaramo iterambere ritigeze rihaboneka mu bihe byashize.

Nubwo kano karere kuva 1994 kugeza 2015 katigeze karangwamo umuhanda wa kaburimbo ariko kagiraga imihanda myiza yo kugenderanira no gukora ibikorwa by’ibukungu n’ubucuruzi,ariko kugeza ubu umuhanda utagira uko usa wamaze kugera muri kano karere ndetse utamirizwa amatara hose.

**Ubu muri Gisagara umuhanda wa Kaburimbo ni nyabagendwa ibintu bitigeze bibaho mbere**

Gisagara akarere ko mu cyaro ariko kibitseho ubukungu butandukanye burimo n’umugezi w’Akanyaru bahuriyeho n’u Burundi,kakagira ibice nyaburanga n’imisozi ya mukindo utahaga kureba,abakunzi b’amafi iyo bageze ahazwi nka Rwabisemanyi ntibaharenga bitifuje gutwara ifi yaho yamamaye kuva kera.

**Amafi ava mu byuzi byo mu Karere ka Gisagara akundwa n’abatari bacye kubera ubwiza n’uburyohe bwayo**

Aka karere kandi uretse kuba karakunzwe kuvugwamo ubukene n’abaturage badafite isuku,ibi bimaze kuba amateka kuko ubu kano karere kamaze kwigaragaza mu iterambere ritanduka,yaba mu buhinzi,ubworozi ubucuruzi,imikino n’imyidagaduro ndetse n’iterambere ry’imibereho myiza mu nkingi zose z’ubuzima.

**Ibikorwa by’ubucuruzi muri Gisagara nabyo byateye imbere ku kigero gishimishije**

Rutaburingoga Jeroma umuyobozi wa kano karere iyo yahuye n’abaturage abibutsa ko batazongera kwemera kuba Akarere ka nyuma mu mihigo cyangwa imibereho mibi kuko nabo bafite ibyo baratira abandi kandi babibyaje umusaruro byabagirira akamaro.

**Rutaburingoga Jerome umuyobozi w’Akarere ka Gisagara yazamuye kano karere mu buryo bugaragarira buri wese**

Nubwo icyorezo cya covid 19 gikomeje guhungabanya ubukungu abaturage ba kano karere biyemeje ko bazakomeza gukora ibishoboka byose kugirango ibikorwa remezo bamaze kwegerezwa bazabibyaze umusaruro biteze imbere.

**Muri Gisagara hamaze kugera ibikorwa remezo bitandukanye biri guhindura imibereho y’abaturage bako**

Akarere ka gisagara mu rwego rwo kumara irungu abaturage bako no kubakundisha imikino ubu gafite ikipe irya izindi mu mukino wa Volleyball ariyo yitwa Gisagara V.C

**Ikipe ya Gisagara V.C iterwa inkunga na kano karere iri mu makipe yubashwe mu mukino wa Volleyball hano mu Rwanda**

uwavuga ibyiza n’iterambere rya Gisagara bwacya bukira,turabizi ko umwana atavuka ngo ahite yuzura ingobyi,niyo mpamvu basabwa gukomeza gukora cyane no kwitwararika kugirango iterambere bagezeho ntirisubire inyuma.icyuho cyitari iki tuzakabatembereza murebe ibyiza bitatse Akarere Ka Gisagara mu buryo burambuye.