Mu rubanza ruregwamo uwitwa Iribonetse Samuel n’Ishumi ye Ntakaziraho Daniel wari waratorotse Ubutabera akaza gufatwa, bose bakaba bafungiye mu Igororero rya Rwamagana, Samuel yahamije ko yinjiye mu Igororero kuwa 03 Mutarama 2026, bityo avuguruza Raporo y’Igororero, anavuga ko nta nyandiko mpimbano yakoze mu bujurire bwe, ngo iyo biza kumuhama, Igororero ryari kubimuregera akongererwa Igihano.
Ni Urubanza rusaba gusubirishamo Ingingo nshya ku cyaha cy’Ingengabitekerezo n’Ivangura uwitwa Iribonetse Samuel na Ntakaziraho Daniel bahamijwe n’urwo rukiko n’ubundi kuwa 06/11/2025 rukabakatira Imyaka 5 y’igifungo, rukaba rwarabereye mu rukiko rukuru, Urugereko rwihariye ruburanisha Ibyaha Mpuzamahanga n’Ibyambukiranya Imipaka ruri I Nyanza mu Majyepfo y’u Rwanda kuri uyu wa 14 Mata 2026
Ni imbere y’uko urubanza ruba cyakora, Igororero rya Rwamagana rikaba ngo ryarandikiye urwo rukiko ibaruwa, rutesha agaciro Ubusabe bwabo bagabo, bitewe n’uko ngo byakozwe mu buryo bw’Amanyanga babeshya ko binjiye Igororero Tariki 05 Mutarama 2026, mu gihe nyamara Iribonetse yinjiye kuwa 08 Mutarama, Ntakaziraho akinjira kuwa 10 Werurwe 2026, Nyamara Inyandiko bakoze ikagaraza ko n’uwo Daniel yafunzwe kuwa 05/o1/2026, mu gihe yari agishakishwa kuko baburanaga bari hanze.
Uko Urubanza rwagenze
Isaha ya Satanu na 40 nibwo Inteko iburanisha y’Abacamanza 3 n’Umwanditsi w’Urukiko yijiye mu cyumba cy’Iburanisha. Ni nyuma y’Akaruhuko gato kakurikira urundi rubanza bari bamaze kuburanisha.
Mu gihe uyoboye Inteko iburanisha yabazaga niba Ababuranyi bahari, atangiye kubasobanurira ibiri bukorwe bijyendanye no kureba niba isabwa ryo gusubirwamo ku urubanza abasaba batsinzwemo ryakwakirwa, Umwunganizi wabo Me Emanuel Mpayimana, yazamuye Inzitizi agira ati”
Ndasaba ko Umuhango wo gusuzuma ubu busabe bw’Abakiliya banjye wasubikwa nkajya gutegura urubanza nitonze cyane ko, aba mburanira simbazi nihuje n’Urubanza kuwa kane w’icyumweru gishize, hazamo Amakonji, ejo kuwa mbere njya mu rundi rubanza, none kuwa 2 nibwo mbashije kuza hano.”
Uhagarariye Iburanisha yamubajije icyatumye iminsi irenga itanu ataragiye ku Igororero kandi Abunganizi mu by’Amategeko bakirwa buri munsi, avuga ko atabishoboye ariyo mpamvu asaba Isubikwa ry’ibikorwa byagombaga kuba.
Ijambo ryahawe Umushinjacyaha, avuga ko n’ubwo kugira umwunganizi ari Ihame , ariko ko atiyumvisha uburyo Urubanza rwaciwe mu kwezi kwa 11 Umwaka ushize wa 2025, abaregwa babuzemo umwanya wo gushaka umwunganizi, bityo asaba ko Urukiko rwabifataho imwanzuro.
Abaregwa bunze mu ry’Umwunganizi wabo bahamya ko batamuzi kandi ko kubera ko urubanza rwabo rwabagoye bari bahisemo kwiburanira, Umuvandimwe abashakira Umwunganizi, bityo basaba gusubika Iburanishwa bakajya gutegura Urubanza rwabo.
Uregera Indishyi hamwe n’Umwuganizi wa Me Salah, bamaganye icyi cyifuzo cy’Umwunganizi w’abaregwa, bavuga ko bitumvikana uburyo Umunyamategeko yakwihuza n’Urubanza Tariki ya 08/04 akageza kuri 14/04/2026 ntacyo arakorera Abakiliya be, bityo basaba ko Iburanisha ryakomeza, cyane ko abaregwa ngo ari uburyo bakoresha buri gihe bagamije ahanini gutinza urubanza mu buryo budasobanutse.
Uhagarariye Inteko iburanisha yasabye ababuranyi kwicara gato hakaganirwa ku cyakorwa, maze nyuma y’Iminota Itanu Abacamanza bemeza ko Iburanisha rikomeza kuko n’Ubundi ikigamijwe atari ukuburana nyiri izina, ari ukureba niba ko Isabwa ko Urubanza rusubirwamo ryujuje Ibisabwa.
Akimara kuvuga atyo Me Emmanuel Mpayimana, avuga ko niba batemeye ubusabe bwe, ko ataburana ibintu atateguye bityo asaba kwikura mu rubanza, arabyemererwa n’ubwo yaje gufatwa n’Umucamanza yongorera abo yari kunganira, Urukiko rutegeka Umwanditsi ko yandika Imyitwarire mibi uwo munyamategeko agaragaaje akazabihanirwa.
Uhagarariye iburanisha yatangiye abaza Iribonetse Samuel igihe yinjiriye Igororero rya Rwamagana avuga ko ari kuri 03 Mutarama 2026
Amubajije Igihe yatangiye Ubujurire, avuga ko ari kuwa 05 Mutarama 2026.
Umucamanza yahise amubaza niba ubujuririe yarabwiyandikiye, avuga ko yabifashijwemo n’Abagororwa bagenzi be basanzwe bazi gukora Imyanzuro ijya mu nkiko hamwe n’abandi bantu bo hanze, amubajije abo bantu bo hanze abo ari bo, abura icyo asubiza Umucamanza arakomeza.
Umucamanza yagize ati “ ko uvuga ko winjiye Igororero kuwa 03/01/2026, Raporo y’Igororero ikerekana ko winjijwe kuwa 08 Mutarama 2026, ari wowe n’Igororero ninde uvuga ukuri ?
Iribonetse maze nta kurya amagambo agira ati “
Jyewe ninjiye kuya 03 Mutarama, bikaba bigaragazwa n’uburyo najuriye kuwa 05 Mutarama 2026, Ubuyobozi bw’Igororero bukabyemeza.
Ubuyobozi bw’Igororero rya Rwamagana bwaguye mu mutego wo gusinyira Abagororwa rutarakira mu Igororero
Umucamanza yahise asoma Raporo yakozwe n’Ubuyobozi bw’Igorero rya Rwamagana itesha agaciro ubusabe bw’abo bagabo, risobanura ko iyi nyandiko bayikoze mu uburyo bw’amanyanga, ndetse bajijisha Igororero rirabasinyira, Igororero rikaba ryarabifashe nk’inyandiko mpimbano ndetse ko Samuel mu nyandiko mvugo yakoreshejwe kuwa 11 Werurwe yemeye ko Inyandiko yayiteguye atarafungwa, bakandikaho Itariki 05 Mutarama kugira ngo igihe cy’amezi 2 gisabwa gusubirishamo kitabacikana
Umucamanza yamubajije impamvu bigaragara ko mu nyandiko yakoze na Daniel Ntakaziraho yayisinyeho kandi adafunze .
Samuel avuga ko nawe yari afunze, abivuga adafite isoni mugihe Umucamanza yaramaze kureba Raporo y’uburyo binjiye mu Igororero rya Rwamagana, aho Samuel yaje kuwa 08/01 naho Daniel akinjira kuwa 10/03/2026
Abaregwa babuze icyo bakongeraho, ahubwo bakomeza kubwira Inteko iburana ko bahuye n’akarengane, ariyo mpamvu baje kubisunga ngo barenganurwe, kandi izo nyandiko zose zibashinja gukora inyandiko mpimbano ntazo bari bazi, ngo ni akagambane gakorwa n’ubarega. Umucamanza abibutsa ko ibyo bavuga byose nta shingiro bifite, ko ikigamijwe cy’Ibanze ari ukureba niba ibyo basaba byibura byujuje ibisabwa ngo byakirwa, uretse no kuba inyandiko mpimbano, ari kureba niba igihe cyo kugeza ubusabe bwabo ku urukiko cyaraziye igihe.
Samuel abajijwe igihe yumviye Ingingo nshya yashingiraho asaba ko urubanza rusubirishwamo, avuga ko yayumvise mu gihe kiburana ry’Ubujurire kandi ko Ikimenyetso gishya afite, ari abatangabuhamya yabonye.
Umucamanza abaze igihe Ubujurire bwabo bwabereye urukiko rugafata umwanzuro kuwa 06/11/2026 rubahamya icyaha, n’ubwo bwose baburanaga bari hanze, yavuze ko uhereye icyo gihe nkuko biteganywa n’itegeko, bigaragara ko bagombaga gusaba bitarenze kuwa 05 Mutarama 2026 mu mezi abiri nyuma yo kubona Ikimenyetso gishya, bikaba bigaragara ko n’ibyo bakoze byaje ari inyandiko mpimpano nazo zigize icyaha, kandi ko iyo baza kujurira bari hanze hari no kugaragazwa Ingwate y’Igarama batanze ikaba ari ntayo, bityo avuga ibyo byose urukiko ruzabisuzuma rugafata umwanzuro.
Ntakaziraho Daniel wafatanyije na Iribonetse gukora Inyandiko mpimbano ngo basubirishemo Ingingo nshya mu rubanza batsinzwe
Ku rundi ruhande Ubushinjacyaha bwasabwe kugira icyo buvuga ku mpaka z’ababuranyi, avuga ko n’ubundi nabo bari bateguye umwanzuro utambamira buriya busabe bw’abaregwa bagendeye kuri Raporo y’Ubuyobozi bw’Igororero bafungiyemo, ndetse no kuba amezi basabwa yo gusubirishamo yararenze.
Bityo asaba ko Urukiko nirwiherera ruzemeza ko Ubusabe bwabo nta shingiro bufite, bakaba bagomba kurangiza igihano cy’Imyaka 5 bakatiwe.
Uregera Indishyi mu magambo make agira
Ati” Ibyo aba bantu bankoreye ibyaha bakomeje kuvuga ni Amatakirangoyi, cyane ko kuva mu Rukiko rwisumbuye ari yo mayeri bakoresha kugira ngo bambuze epfo na ruguru, aho nturuka za Kabarondo nza kuburanira i Nyanza mu manza banshoyemo bikaba byarangizeho Ingaruka nyinshi cyane.
Umwuganizi w’Uregera Indishyi abajijwe kugira icyo avuga ku byo abaregwa bavuga,
Agira ati “ aba bantu bakoreye Umukiliya wanjye ibyaha Ndengakamere, Icyaha cy’Ingengabitekerezo y Jenoside n’Ivangura, bakaba barabihamijwe n’Inkiko.
Turasaba ko ibyo bavuga byose byateshwa agaciro, kandi bagaha uwo nunganira Impozamarira n’ Indishyi z’Akababaro, bakishyura Igihembo cy’Umwunganizi mu mategeko, bagasubiza Ingwate z’amagarama zatanzwe, hiyongereyeho ibihano baciwe ubushize, byose bigahwana na Miliyoni 8
Umucamanza abajije Umwunganizi ko niharamuka hafashwe umwanzuro w’uko urubanza rutakomeza, icyo bazashingiraho basaba ibyo byose bavuze, Umwunganizi avuga ko n’ubwo bwose Urubanza rutaba, ariko ko ibyabaye none ari umuhango w’Ubutabera muyindi.
Avuga ko uwo yunganira afata urugendo akaza gucumbika I Nyanza, agashaka umwunganizi, ibyo byose bikaba bimusaba ikiguzi kiri hejuru kigomba kwishyurwa nabongeye kumushora mu manza, mu gihe yari azi ko urwabaye rwarangiye rwaranateweho Kashi mpuruza.
Abaregwa bahakaniye urukiko ko nta ndishyi babona ko ari abakene, maze Umucamaza yanzura ko Imyanzuro y’icyemezo kizafatwa izatangazwa kuwa 13 Gucurasi 2026 i saa tanu z’amanywa.
Urubanza rwa Ntakaziraho Daniel na Iribonetse Samuel bashinjwamo kurangwa n’Ingengabitekerezo ya Jenoside n’Ivangura, aho bahatiraga Inshuti zabo kutajya mu rugo rw’Ubarega ngo ni mu batutsi , ndetse n’andi magambo y’ivangura, rumaze imyaka irenga itanu ruburanishwa.
Bene kuregwa bavuga ko barengana nyamara ntibagaragaze icyo bashingiraho basaba kurenganurwa.
Igororero bafungiyemo ryahamirije Urukiko ko Inyandiko rwagejejweho isaba Isubirishwamo ry’Ingingo nshya ko itavugisha ukuri basaba ko iteshwa agaciro
Ni mugihe Ntakaziraho Daniel wari waratorotse Ubutabera akaba yagenderaga ku bujurire bwa mugenzi we Samuel yanditse atarafungwa, yahamije imbere y’Urukiko ko iyo nyandiko atayisinye.
Abaregera Indishyi mu kiganiro kigufi bahaye Umunyamakuru bavuga ko batumva na gato Impamvu abaregwa bataryozwa izo nyandiko mpimbano, icyo cyaha nacyo ngo bagihanirwe n’Amategeko ndetse bakaba batumva icyatumye bamara amasaha menshi mu rukiko hagirwa impaka ku nyandiko mpimbano zisaba gusubirishamo Ingingo nshya.
