Icyemezo gikubiye mu itangazo ryashyizweho umukono na Perezida Felix Tshisekedi ryemeje ko Commissaire Blaise Kilimbalimba yahawe inshingano z’umujyi wa Kinshasa.
Ibi byemejwe na Minisitiri w’umutekano muri Repubulika ya Demokarasi ya Congo witwa Peter Kazadi yamenyesheje Commissaire Blaise Kilimbalimba ko guhera kuri uyu wa Kabiri taliki 18, Nyakanga, 2023 ari muyobozi wa Polisi mu Murwa mukuru Kinshasa.
Commissaire Blaise Kilimbalimba yasezeranyije Minisitiri Kazadi ko agiye gukora k’uburyo azahangana n’abagizi ba nabi bazengereje abatuye Kinshasa.
Kuri uyu wa Kabiri nibwo Kilimbalimba ari buhererekanye ubutegetsi n’uwo asimbuye.
Yavuze ko agiye kureba uko ibintu byifashe mu gice yashinzwemo cyo kuyobora hanyuma akazaha raporo Minisitiri w’umutekano mu gihe kitarenze amezi atatu.
Muri iyo raporo hazaba hakubiyemo na gahunda yihaye zo gutuma Kinshasa itekana.