Kiyovu Sports yerekanye abatoza bazakorana na Karekezi Olivier

Ikipe ya Kiyovu Sports itsinda ry’abatoza bazakorana na Karekezi Olivier, barimo Ndizeye Aime Dezire Ndanda bahoze bakinana muri APR FC

Kuri uyu wa Gatanu ubuyobozi bushya bw’ikipe ya Kiyovu Sports, bwakoze umuhango wo gusinyisha amasezerano abatoza ndetse n’abandi bazafatanya n’umutoza mukuru Karekezi Olivier.

Umutoza Karekezi Olivier azaba yungirijwe n’abatoza babiri barimo Kalisa Francois ndetse na Banamwana Camarade watozaga Gicumbi, Ndizeye Aime Desire Ndanda uzari umutoza w’abanyezamu akaba n’Umuyobozi wa Tekinike, Kingundu uzaba ari Team Manager ndetse na Ntwari Eric uzwi nka Djemba uzaba ashinzwe ibikoresho (Kit Manager).

Aba batoza bose basinye amasezerano y’imyaka ibiri, bakaba bahawe inshingano zirimo kwegukana igikombe ikipe ya Kiyovu imaze imyaka 27 itegukana, ibi bakaba banabihurizaho n’ubuyobozi bw’iyi kipe.