Nyuma y’umusaruro nkene, ubuyobozi bw’Ikipe ya Manchester United, bwirukanye Ruben Amorin wari umutoza mukuru wa yo, aba uwa 10 wirukanywe kuva Sir Alex Ferguson yayivamo mu 2013.
Ni icyemezo cyafashwe n’ubuyobozi bwa Manchester United, kuri uyu wa Mbere, tariki ya 5 Mutarama 2026 nk’uko yabitangaje biciye ku rubuga [Website] rwayo.
Bagize bati “Ruben Amorin yatandukanye na Manchester United nk’umutoza mukuru.”
Mu Ugushyingo 2024, ni bwo iyi kipe yatangaje uyu munya-Portugal nk’umutoza mukuru ndetse muri Gicurasi muri uwo mwaka, yayitoje umukino wa nyuma wa UEFA Europa League ubwo iyi kipe yakinaga na Bilbao yo muri Espagne.
Ruben yabaye umutoza wa 10 wirukanywe kuva Sir Alex Ferguson yatandukana nayo mu 2013. Abandi bayiciyemo bakerekwa umuryango, barimo David Moyes, Ryan Giggs, Louise Van Gaal, Jose Mourinho, Ole Gunnar Solskjaer, Michael Carrick, Ralf Rangnick, Erik Ten Hag, Ruud Van Nistelrooy.
Nyuma yo kwirukana Amorin, ikipe yatangaje ko inshingano zo kuyitoza, ziraba zisigaranywe na Darren Fletcher.
Mu mikino 63 uyu yatoje, yatsinze 24, atsindwa 21 mu gihe yanganyije 18.
