Kaminuza ya “Kampala University” yakuyeho ibyaba nk’imbogamizi byatuma umuntu ubyifuza atagerwaho n’uburezi bwo ku rwego ruhanitse yifuza yorohereza buri wese ushaka kwiga ibinyujije muri gahunda yise” Uburezi bugomba kugera kuri buri wese”.
N’ibyagaragajwe ku mugoroba wa tariki ya 5 Ukwakira 2025 mu birori byo kwishimira igihembo iyi kaminuza yahawe cyo kuba indashyikirwa mu guteza imbere uburezi mu irushanwa ryitwa “The Africa Academia Conference and Awards” rihuza amashuri makuru na za Kaminuza zo muri Afurika.
Kampala university ikaba yahawe igihembo mu cyiciro cyiswe(Leadership and Excellence Award for Accessible Education) bikaba bitegurwa n’ikigo kitwa Business Executive Media Group iki gikorwa uyu mwaka kikaba cyari gifite Insanganyamatsiko igira iti” “Impinduramatwara mu ikoranabuhanga, ingufu zisubira, n’ibisubizo bya ICT bigamije guteza imbere uburezi muri Afurika.””.
Rashida Kateregga wari uhagarariye ubuyobozi bw’iyi Kaminuza avuga muri ibi birori yashimye akanama gatuegura iki gikorwa kwibuka no guha agaciro imbaraga ubuyobozi bw’iyi kaminuza bushyira mu kugirango buri wese agerweho n’uburezi buboneye.
Agira ati” Twashimiwe ku bwo guteza imbere uburezi kuri bose, Dutanga Buruse,inkunga ndetse na porogaramu z’amasomo yorohereza umuntu utabasha kwiga umunsi wose harimo nka masomo yo muri weekend intego yacu ni ugukuraho imbogamizi zose zabuza umuntu kubona uburezi yifuza”.
Uyu muyobozi yashimangiye ko bafite ibiro I Kigali bityo wifuza kubagana yajyayo akareba ibyo batanga cyane ko biyemeje kuba indashyikirwa ndetse ko biri mu mishanga ko mu minsi iri mbere bafungura ishami I Kigali.
Ikindi wamenya ni uko mu masomo itanga ubu harimo n’amahugurwa yahereye ku barium ku bijyanye n’imikoreshereze y’ubwenge buhimbano buzwi nka AI.
Ihuriro ryagaragayemo kandi Dr. Carol Boateng, Umuyobozi Mukuru wa Presbyterian Nursing and Midwifery Training College, Agogo (Ghana), wabaye umuvugizi mukuru (keynote speaker). Mu ijambo rye, yasabye ko hashyirwamo imbaraga nyinshi mu gushora imari mu burezi bw’abaganga n’ababyaza, ndetse no kubaha ubushobozi bwo kuba abayobozi mu rwego rw’ubuvuzi bw’ibanze.
Ubutumwa bwe, bushingiye ku kwemera no ku bumuntu, bwakoze ku mitima y’abitabiriye bose.
Yagize ati:
“Abanyeshuri bacu ntibakwiye kwiga gusa gutera inshinge, ahubwo bagomba no kwiga gutanga icyizere,” asaba abarimu n’abashinzwe uburezi guhuza ubumenyi bwa tekiniki n’impuhwe ndetse n’umutima wo gukorera abandi.
Mu bandi bahembwe ni Jilly Claude Uwizeyimana, washinze ikigo IBTC (Innovation Business Technology College) wavuze ko ari ngombwa kwifashisha Ikoranabuhanga mu bintu byose kuko rifata inguni zose z’ubuzima ndetse ko byadufasha gukemura ibibazo mu buryo bwihuse kandi bunoze.
Uyu munsi wasojwe hibutwa ko impunduka ku mugabane w’Afurika zizanwa no kwiga,guhanga udushya birangajwe imbere n’Ikoranabuhanga.
