Mu itangazo ryasohowe n’inama y’Abaminisitiri ku mugoroba wo ku wa 16 Nyakanga 2025, rishyira mu myanya bamwe mu bayobozi bakuru mu nzego zitandukanye z’igihugu, nibwo Hon. Jean Marie Vianney Gatabazi yagizwe Komiseri muri Komisiyo y’igihugu Ishinzwe gusubiza mu buzima busanzwe Abahoze ari Abasirikare RDRC.
Nyuma yo kwisanga ku rutonde rw’abahawe inshingano, Hon. Jean Marie Vianney Gatabazi yakojeje ibaba muri wino arandika ku rukuta rwe rwa X ashimira umukuru w’Igihugu Nyakubahwa Paul Kagame ku kizere amugiriye.
Yagize ati:” Ntewe ishema no kubashimira Nyakubahwa @PaulKagame ku kizere mwongeye kungirira ngo nkorere Igihugu nka komiseri muri Komisiyo y’igihugu Ishinzwe gusubiza mu buzima busanzwe Abahoze ari Abasirikare RDRC. https://x.com/gatjmv/status/1945731271344246947
Yongeyeho ko yiteguye kuzuza inshingano ze mu bunyangamugayo n’ubwitange, afatiye urugero ku myiyoborere y’ikirenga n’ikerekezo gisobanutse Perezida Kagame yashyizeho ku nyungu z’Abanyarwanda bose. Asoza agira ati:”Imana ibahe umugisha n’Abanyarwanda bose!” https://x.com/gatjmv/status/1945731407977877637
Hon. Gatabazi Jean Marie Vianney yabaye umudepite, aba guverineri w’intara y’Amajyaruguru ndetse anaba minisitiri w’ubutegetsi bw’igihugu kuva muri 2021 kugeza muri 2023.
Noel MPOREBUKE