Ebola ikomeje guca ibintu mu Majyaruguru ya Uganda mu Karere ka Mubende. Magingo aya, abantu 11 bayanduye imaze kubica, ndetse hari ubwoba ko umubare w’ubwandu n’impfu uza kwiyongera cyane.
Mu masaha 24 ashize, abantu bane banduye Ebola bituma umubare w’ubwandu uzamuka uba 11. Ni mu gihe muri icyo gihe, abapfuye nabo biyongereyeho batatu bituma umubare w’impfu uva ku bantu umunani uba abantu 11.
Magingo aya, hari abantu 25 bari gukurikiranirwa hafi n’inzego z’ubuzima aho muri bo batandatu byemejwe ko banduye iyi ndwara mu gihe 19 bo bikekwa ko baba baranduye iki cyorezo.
Minisiteri y’Ubuzima muri Uganda isobanura ko nibura imaze gutahura abantu 58 bahuye n’abo banduye iki cyorezo.
Abantu 11 bamaze guhitanwa na Ebola muri Uganda