Ni igikorwa cyabaye hubahirizwa amabwiriza yo gukomeza kwirinda icyoreza cya Covid 19, icyumweru cyo kwibuka ku nshuro ya 27 jenoside yakorewe abatutsi mu 1994, mu karere ka Rubavu cyashojwe n’ibikorwa birimo gusura no kunamira inzirakarengane zazize jenoside yakorewe abatutsi mu 1994 ziruhukiye mu rwibutso rwa Komine rouge.
Ni igikorwa cyitabiriwe n’umuyobozi w’akarere wungirije ushinzwe ubukungu ari kumwe n’abayobozi b’imirenge ya Rubavu na Gisenyi, muri iki gikorwa imiryango 7 y’abarokotse jenoside yakorewe abatutsi ikaba yaremewe.
Muri kano karere kandi mu murenge wa Bugeshi ho, umuyobozi w’akarere wungirije ushinzwe imibereho myiza yitabiriye igikorwa cyo gutanga inka y’ishimwe ku umurinzi w’igihango Mudenge ndetse n’iyo kuremera uwacitse ku icumu utishoboye zifite agaciro k’ibihumbi 640
Mu karere ka Rubavu muri kino cyumweru cyo kwibuka inzirakarengane zishwe muri jenoside yakorewe abatutsi hakozwe ibikorwa bitandukanye birimo gusura inzibutso no kuzishyiraho indabo, kunamira abazize jenoside yakorewe abatutsi mu 1994 ndetse no gufata mu mugongo abarokotse jenoside yakorewe abatutsi harimo no kubaremera.
Nubwo hasojwe icyumweru cyo kwibuka, muri kano karere hazakomeza gukorwa ibindi bikorwa bijyanye no kwibuka kugeza mu gihe cy’iminsi 100
SRC+PHOTO: Rubavu District
Inkuru ya NDAYISABA Eric
Contact : 0782511443