uwari perezida wa USA Donald Trump ndetse n’umugore we Malanie Trump mbere yo kuva ku buyobozi babanje gukingirwa covid 19.Ntabwo bizwi neza ubwoko bw’urukingo bahawe ndetse n’ingano yarwo (dose) bahawe.
Ibi bitangajwe nyuma y’aho ku Cyumweru Trump asabye abamushyigikiye kwikingiza iki cyorezo, akavuga ko iyo umuntu ahawe urukingo nta bubabare yumva, ati “rero buri wese agende akingirwe”.
Iyo mvugo ya Trump itandukanye kure n’ibyo yakundaga kuvuga akiri Perezida, aho akenshi yabaga abusanya n’ibitangazwa n’abaganga mu buryo bwo kwirinda iki cyorezo, dore ko yamaganiye kure ibyo kwambara agapfukamunwa ndetse no guhana intera.
Mu Ukuboza kwa 2020 hagati, byari byatangajwe ko Trump atazahabwa urukingo rwa Coronavirus keretse niruba rwemejwe n’itsinda ry’abaganga bo muri White House.
