- Urugereko rwihariye rushinzwe kuburanisha ibyaha mpuzamahanga n’ibyambukiranya Imipaka ruri i Nyanza mu Majyepfo y’u Rwanda rwasubukuye urubanza ruregwamo Umunyamakuru Phocas Ndayizera na bagenze be 13 bose basaba kugirwa abere ku byaha baregwa n’Ubushinjacyaha.
Iburanisha ryo kuri uyu wa 8 Gashyantare 2021 ryabaye mu buryo bw’ikorabuhanga bwa Video Conference abaregwa bari kuri Gereza ya Mageragere bafunguyemo, ababunganira bari ku Rukiko i Nyanza, Ubushinjacyaha buri ku cyicaro cyabwo ku Kimihurura.
Inteko iburanisha igizwe n’Abacamanza batutu n’Umwanditsi w’urukiko bari i Nyanza.
Uruhande rw’abaregwa ni rwo rwihariye umwanya, maze Umunyamakuru Phocas Ndayizera ahakana ibyaha byose aregwa birimo iterabwoba, avuga ko ntabyo yakoze ashingiye ko Ubushinjacyaha bwivuguruje mu kumurega ko yabaye icyitso no gucura umugambi wo guhirika ubutegetsi buriho mu Rwanda.https://googleads.g.doubleclick.net/pagead/ads?guci=2.2.0.0.2.2.0.0&client=ca-pub-5250596157593740&output=html&h=280&slotname=5054724829&adk=1701704649&adf=1009097262&pi=t.ma~as.5054724829&w=869&fwrn=4&fwrnh=100&lmt=1612797570&rafmt=1&tp=site_kit&psa=1&format=869×280&url=https%3A%2F%2Fwww.umuseke.rw%2Fumunyamakuru-phocas-azasomerwa-muri-gicurasi-asaba-kurekurwa-nubwo-yasabiwe-burundu.html&flash=0&fwr=0&fwrattr=true&rpe=1&resp_fmts=3&wgl=1&adsid=ChEIgN-DgQYQjN-ylcGYiqqOARIvADv2nWg2QPadupZwtP7Go8frgZ6gyUefWLedx3UPyt25krIwn_ufKhV0xWy7BGo&uach=WyJXaW5kb3dzIiwiNi4xIiwieDg2IiwiIiwiODguMC40MzI0LjE1MCIsW11d&dt=1612797566436&bpp=30&bdt=26265&idt=30&shv=r20210202&cbv=r20190131&ptt=9&saldr=aa&abxe=1&cookie=ID%3D7a03f61ddaa8317a-223a670b86a6004f%3AT%3D1607500147%3ART%3D1607500147%3AS%3DALNI_Ma3DucbF7D1lufKkBWCzYr0-DPFfw&prev_fmts=0x0%2C881x200%2C420x280&nras=1&correlator=1908647992106&frm=20&pv=1&ga_vid=922915233.1607500129&ga_sid=1612797565&ga_hid=1555170956&ga_fc=0&u_tz=120&u_his=7&u_java=0&u_h=768&u_w=1366&u_ah=728&u_aw=1366&u_cd=24&u_nplug=3&u_nmime=4&adx=15&ady=1701&biw=1349&bih=657&scr_x=0&scr_y=0&eid=21066922%2C21068769%2C21068893&oid=3&psts=AGkb-H-EyEoBrc_OnCB9jj92ibjQxnpUYaWieXszOHjHcfqw8_-OE3o0E7ckaZRDNN8xoMuTe_X5Mh2afArc%2CAGkb-H9mVQITRnON9hWjpnkIsDG8QFkF8ya9ahlSpO219Eo8x3wVk5Bnb9M0DLwKpA0xepmgIPSvojBQ5Jhu0A&pvsid=3641213039456438&pem=751&ref=https%3A%2F%2Fwww.umuseke.rw%2F&rx=0&eae=0&fc=1920&brdim=0%2C0%2C0%2C0%2C1366%2C0%2C1366%2C728%2C1366%2C657&vis=1&rsz=%7C%7CleEbr%7C&abl=CS&pfx=0&fu=9344&bc=31&jar=2021-02-08-14&ifi=2&uci=a!2&btvi=1&fsb=1&xpc=cqYnkWEbWz&p=https%3A//www.umuseke.rw&dtd=3885
Yabwiye Urukiko ko ibyo byaha aregwa nta perereza ryabayeho bityo agasaba ko ibyo Ubushinjacyaha buvuga nta shingiro bifite, asaba kugirwa umwere.
Me Ntare Paul wunganira Umunyamakuru Phocas Ndayizera (Yahoze atanga inkuru kuri BBC) ahawe ijambo yabanje kugaragaza imbogamizi bahuye na zo ko batabonanye n’abo bunganira.
Ukuriye inteko iburanisha yamubwiye ko atarabizi ko icyo kibazo cyabayeho.
Me Ntare nawe avuga ko umukiliya we nta mugambi yigeze acura wo guhirika ubutegetsi buriho kuko Ubushinjacyaha bwavuze ko umugambi wacurwaga na RNC kandi ubushinjacyaha ntaho bugaragaza ko Phocas yicaranye na RNC ngo bajye inama yo gucura umugambi wo guhirika ubutegetsi buriho mu Rwanda.
Yavuze ko umukiliya we ntaho ahuriye n’ibyaha Ubushinjacyaha bumurega asaba urukiko ko agirwa umwere ku byaha aregwa kuko nta bimenyetso Ubushinjacyaha bugaragaza.
Me Ntare ati “Hahanwa umuntu wakoze icyaha umukiliya wanjye Phocas nta cyaha yakoze.”
Ukuriye inteko iburanisha yahaye umwanya ureganwa na Phocas Ndayizera witwa Karangwa Eliakimu na we ngo yiregure ku byaha aregwa.
Karangwa uregwa ibyaha birimo iterabwoba aho Ubushinjacyaha bunashingiraho ko yari guhuza ibiturika bikangiza ibikorwa remezo, na we yahakanye ibyaha byose aregwa aho avuga ko ibyo Ubushinjacyaha bwagaragaje ko ibikoresho byari kwifashishwa bikangiza ibikorwa remezo ntaho bihuriye n’ibikoresho bya Karangwa we ubwe byafatiriwe agasaba Urukiko kugirwa umwere.
Me Munyakazi Edmond wunganira Karangwa Eliakimu na we yasabye Urukiko ko umukiliya we yagirwa umwere kuko ibikoresho bya Karangwa Eliakimu yari asanzwe akoresha kandi yanaherewe ibyangombwa na RDB bitangiza ibikorwa remezo cyangwa ngo byangize umutekano kandi akavuga ko ibyo Ubushinjacyaha bwavuze nta bimenyetso bitangirwa bityo umukiliya we akwiye kugirwa umwere.
Ati “Umukiliya wanjye ntaho ahuriye n’ukuriye ibyo bikorwa by’ubugizi bwa nabi Cassien Ntamuhanga bityo akwiye kugirwa umwere kuko nta cyaha yakoze.”
Abandi bareganwa na Phocas Ndayizera 12 bose bahakana ibyo baregwa bagasaba kugirwa abere barimo Niyonkuru Emmanuel, Byiringiro Garno, Bikorimana Wax Bonheur,Bizimana Terance, Munyensanga Martin, Mushimiyimana Yves, Nshimyumurenyi Jean Claude, Rutaganda Bosco, Shiragahinda Ernest na Ukurikiyimfura Theoneste bose bavuga ko nta byaha bakoze bagasaba kugirwa abere kuko bemera ko banditswe n’umwe mu bo bareganwa witwa Niyihoze Patrick ngo agira ngo abarangire akazi kandi ibyo bitagize icyaha.
Uwitwa Niyihoze Patrick bahurizaho ko yabanditse ngo abarangire akazi na we asaba kugirwa umwere kuko yavuganaga na Ntamuhanga Cassien akanamwoherereza imyirondoro y’abana bafunganwe atari azi ko birimo ibyaha nk’uko Ubushinjacyaha bubivuga.
Bose uko ari 14 barireguye uretse Ntamuhanga Cassien waburanye adahari.
Urubanza rwabo rwagannye ku musozo kuko ruzasomwa ku wa 6 Gicurasi 2021 Saa tanu z’amanywa.
Nubwo abaregwa bose basaba kugirwa abere ku byaha baregwa, Ubushinjacyaha bwo buvuga ko ibyo baregwa bibahama bugasaba Urukiko kubakatira gufungwa burundu.